10 Questions with 東尼電機

1.是甚麼激發你畫一系列「發明」圖樣？
因為呢個世界雖然已經有好多實用產品解決問題，但仍然有好多生活疑難得唔到方法解決，發明或創意圖可以另人睇得更多角度。

2.你的「發明」靈感通常在甚麼時侯浮現？
通常都好即時嘅，例如經常去茶餐廳飲凍檸茶，點解總係會啜住啲檸檬核⋯⋯ 即時就會諗到可以喺飲管低加網，阻隔啲核。當然有時攤喺床，喺廁所開大時，都會突然靈感湧現。

3.是甚麼給予你勇氣去做一個全職的「發明家」？
家人支持都好緊要，一直以嚟都好自由隨我喜歡做我鍾意做嘅事。而我總覺得工係隨時都可以搵到，不如比自己一段時間去嘗試，全職或者對東尼電機有更大發揮空間，I will not die? Why not try?

4.最想將你「研發」的那一項發明大量生產？
其實每次發明一樣產品，都冇諗過要大量生產，我比較鍾意以展覽形式去呈現我嘅作品，我可以見到大家玩我嘅產品時笑下輕鬆下，已經好滿足。

5.你的偶像是誰？
我對偶像呢個詞唔太理解，因為只要有某方面叻過自己嘅又欣賞都可以話係偶像，所以見一個愛一個。如果一定要講一位，好啦⋯⋯我偶像係⋯⋯自己！傻的嗎，諗咁多無聊發明！

6.在沒有「發明」靈感的時候，你會做甚麼尋找靈感？
一定係攤喺床度，以為咁樣可以諗到嘢有靈感，但每一次都諗到瞓著！最好都係搵一班朋友出嚟食飯，佢哋講，我聽。

7.請用三個詞語形容你的發明品。
實用，唔實用，幽默。

8.你自己是新科技的熱愛者嗎？家中是不是有很多新科技？
正好相反，我完全唔追新科技新潮流，可能我平時好簡撲，好多野夠用就好，科技好似有啲騙人嘅感覺，只係加少少功能，大家就要盲目追求，有好多新科技知道就好，無需要嘅話我都唔會渴望擁有。

9.你認為香港最需要哪一個發明？
香港最需要一個發明可以將自己縮小，因為土地問題加上政府政策問題，連最基本嘅住屋問題都解決唔到，新樓尺寸越起越細但樓價卻越來越貴，唯有將自己縮小，感覺可能會由200尺變2000尺！

10.未來有甚麼新發展方向？
未來主要想休息！工作比靈感來得更多更快，已經唔夠靈感諗新發明。不過一直以嚟都係想整手將自己過去嘅發明造出來，但講咗5年都係得幾件，所以我要休息一排過下退休嘅生活。

可以為ELLEMEN設計一個男士時裝發明嗎？

如果想知道更多東尼電機的發明品，可以在 12/7/2019至1/9/2019到迎海薈、逸峯廣場、翔龍灣廣場、港灣豪庭廣場參觀 東尼電機的【東尼電機研究院】展覽喇！