《人類群星閃耀時》幕後專訪：導演 Sheng 監製 Maggie「其實每個人都好似一粒星星。」
不知是否阿 Jer 新歌《人類群星閃耀時》的詞太有影響力，就連 MV 拍攝過程都彷彿變成「一的法則」之體現。灸手可熱的流行曲MV監導：Maggie 和 Sheng 可謂品質保證，但世事有時就是陳腔濫調地「計劃趕不上變化」—— 500人群戲撞正兩個颱風，另外又用上整個團隊都非常陌生的「XR Immersive Art」技術，執行背後所經歷的又是何種洗禮？
M: Maggie（監製）
Sh: Sheng（導演）
500人出演、9架旅遊巴、兩個颱風，三天完成
十月頭的MV拍攝，剛巧碰上突如其來的兩個八號颱風，但導演 Sheng 堅持「扭計」要用戶外場地，更是由 day 1 就覺得畫面不可能在室內拍完，故無論團隊如何說服他轉室內場，Sheng 仍然任性，最終還是如願以償有個戶外場。
但堅持原來是有代價的。
Sh：因為兩次八號風球而失晒預算。喺香港法例條件之下，颱風一嚟我哋就需要將個台降低、如果要降低即係又要set返高佢，幾日間不斷來回，呢個係其中一個最困難嘅位。
但神奇地，拍攝只用了三天就完成，可想而知整個團隊有多協調。
能「扭計」，其實都是幸運地有團隊縱容、信任，因為學 Maggie 話齋：「做到一件事係好多好多人嘅力量、係『we are one』嘅力量。」
MV 一開頭就見陣容龐大的台下應援團，畫面震撼，究竟背後是如何組織這500人？
M：群戲係好多謝阿 Jer 的後援會幫手，因為係佢哋協助號召 500 人。我哋都覺得呢個時刻好難得，所以劇透唔係我哋嘅主要考量，而係大家都想去製造嗰個畫面。
動用了 9 架旅遊巴，仍然是歸功於「we are one」的力量。
你以為只是 CG 畫面？其實是新科技實境拍攝
Sh：重生三部曲由同一個 art direction group 做：Point Studio（@point.hk）。例如今次我哋想整張演唱會海報，諗好咗個 show 嘅名，再交畀美術指導處理。如果大家細心留意，MV開頭間休息室，其實有啲元素都出現過喺《狂人》間band房。有啲細節位係可以串連到，佢哋諗得好好。
XR 為 AR、VR、MR 技術的泛稱，結合多種技術將現實與虛擬融合交錯，達致一種全新沉浸式視覺體驗。雖然畫面靚，但所用之攝影機與平時 see拍MV、電影用的完全不同，「所以最後係要將所有片段融合做調色等後製，先可以令啲片統一啲、好似出於同一部機咁。」
監製導演缺一不可，越合導越同步
M：做監製要好自律，但我係一個唔自律嘅人。做導演可以任性啲，所以我想任性啲。
今次負責監製《人類》的 Maggie，坦言以性格而言，自己想做導演多點。
這份做導演的任性，可以是不顧一切：錢、時間、會否令別人難做，全然用創意、用作品行先。
曾經多次合作、甚至合導的 Sheng 和 Maggie 竟然極少拗撬。
Sh：同Maggie合作咁多次，我哋好容易達到共識，好多時都會不斷問大家仲有無嘢堅持，如果無嘢堅持就會照去。我哋喺執行同創作上真係無鬧過交，感覺上同佢越合作得耐就越同步。
好的作品不只治癒觀眾，還有幕後的他
Sheng 坦承拍《砂之器》時影射了自己的童年，去到故事最後的一句「對不起」，感覺上是與自己和解，其實亦同時與家人和解 ——「成個家族齒輪重新打開」。去到最終章的《人類》，Sheng 最想表達的，又是什麼？
Sheng: 我透過這個重生project，更願意同自己坦承更多。我想透過MV同平行時空嘅大家講，只要學識講「對唔住」、學識寬恕，每個人都會得到唔一樣嘅結局。同埋MV裏面個演唱會叫「the Law of One Live」，就係「一的法則」，希望大家見到「we are one」呢個訊息。
經歷《狂人日記》中的瘋癲和《砂之器》的孝，今世《人類群星閃耀時》仰望歷史星空，面對只屬於自己的精彩瞬間。「我愛你，謝謝你」，是命題、是自我提醒、亦是輪迴的句號。Outro 的百鳥歸巢，事實上甚至包含物語系列的元素。
「其實我哋每個人就好似一粒星星咁，發光發亮嘅同時都照亮緊呢個宇宙，唔好睇小自己，要學識自愛。」
Photos and videos retrieved from interviewee; @jeremylaous; @shengwong_ @maggieslays_; @xcept_hk